खांतोळी (पारंपारिक )
साहित्य
तांदूळ बारीक रवा १ वाटी
किसलेला गूळ १ १/२ वाटी
किसलेला ओला नारळ १ वाटी
भाजलेले शेंगदाणे १/४ वाटी
तूप १/४ वाटी
चना डाळ १ टेबलस्पून
मूग डाळ २ टेबलस्पून
मीठ १/४ टिस्पून
पाणी २ वाटी
हळदीचे पान २
तूप ताटाला लावण्यासाठी
कृती
तांदूळ १ तास पाण्यात भिजवून घ्या.
मग पंख्याखाली सुकवून घ्या (मसलीन , सुती कपड्यावर )
आता सुकलेले तांदूळ मिक्सर मध्ये रवा सारखे बारीक करुन घ्या
चना डाळ पाण्यात भिजवावे १० मि.
शेंगदाणे चांगले भाजून घ्या , त्याच भांड्यात मूगाची डाळ भाजून घ्या
आता एक खोलगट कढईत तांदूळ (रवा) तूपात चांगल भाजून घ्या.
खोलगट भांड्यात पाणी तापवून त्यात भिजवलेली चण्याची डाळ व भाजलेली मूगाची डाळ, मीठ घालून उकळून घ्या
मग त्यात भाजलेले तांदूळ घाला व शिजवून घ्या, पाणी आटल्यावर त्यात किसलेला गूळ घालून एकजीव करुन घ्या
मग किसलेला नारळ घालून मिश्रणात १ हळदीचे पान घालून वाफवून घ्या २ ते ३ मि.
गॕस बंद करुन शेंगदाणे घाला व एकजीव करुन घ्या.
एका ताटाला तूप लावून घ्या
मिश्रण त्यात घालून त्याचे वडीच्या आकार पाडून घ्या व थोडा वेळ सेट करुन घ्या
तयार खांतोळी हळदीच्या पानावर सजवा
टिप- तांदूळ पीठ होईपर्यंत वाटू नका.
चिक्की गूळ न घेता काळ गूळ घेणे उत्तम
चवीला आणि दिसायला सुंदर
Comments
Post a Comment